Казахские песни — өлеңдер / Қазақша

Айлы түн

с. Сағынғали Сейітовтікі,
ә. Донеділ Қажымовтікі

Айлы түн, айна бұлақ сылдыраған,
Адырлар қарауытып бұлдыраған.
Сен тұрдың батып ойға, мен іздедім,
Қайда деп күміс күлкің сыңғыраған.

Айлы түн, есіп самал манаураған,
Ақ жүзің албыраған алаулаған.
Қайтейін бәренен де ауыр болды,
Соңғы рет дидарыңа қарау маған.

Басқадан бақыт таптың, құралайым,
Нұрланып тұра берсін туған айым.
Аман бол, жақсы жар бол, сүйгеніңе,
Ол менше сүйе ме деп сұрамаймын.

1875	Нравится Твитнуть